Յովանովիչը Հայաստանից կմեկնի ԱՄՆ՝ հանդիպելու հայերի հե՞տ

News.am. 24-9-2010- Հայաստանում ԱՄՆ դեսպան Մարի Յովանովիչը մտադիր է հանդիպել ԱՄՆ հայ համայնքի ներկայացուցիչների հետ: Դիվանագետի շրջագայությունը մեկնարկում է հոկտեմբերի 3-ին եւ ավարտվում հոկտեմբերի 14-ին: Շրջագայության շրջանակներում Յովանովիչը կլինի Ֆիլադելֆիայում, Դեթրոյթում, Սան Ֆրանցիսկոյում եւ Լոս-Անջելեսում:
Հանդիպումների ընթացքում քննարկվելու են ընթացիկ գործընթացները Հայաստանում, հայ-ամերիկյան հարաբերությունները, նաեւ Հայաստանին Վաշինգտոնի հատկացվելիք օգնության հարցերը: Դեսպանը կհանդիպի երիտասարդական եւ հասարակական կազմակերպությունների ներկայացուցիչների, նաեւ` հայ հոգեւորականների հետ: