Panorama.am. 22-10-2010- Թուրքիայի պետնախարար Զաֆեր Չաղլայանն իր գլխավորած գործարարների պատվիրակության հետ ԱՄՆ-ից մեկնել է Կանադա, որտեղ և հանդիպումներ է ունեցել տեղի թուրք գործարար շրջանակների հետ: Ըստ թուրքական «Սոնդաքիքա» (Sondakika) լրատվական կայքի, Չաղլայանը, ելույթ ունենալով Տորոնտոյի համալսարանում, խոսել է թուրքական սփյուռք հիմնելու անհրաժեշտության մասին:«Արդեն ժամանակն է գիտակցելու, որ Թուրքիային անհրաժեշտ է օգտագործել իր սփյուռքի հնարավորությունները: Մեր բնակեցրած երկրի քաղաքացիները լինենք, բայց չձուլվենք: Առանց կորցնելու մեր լեզվական ու կրոնական դիմագիծը` եկեք լինենք և քաղաքականության մեջ, և` առևտրատնտեսության: Այստեղ, օրինակ, շուրջ 100 հազար հայ կա: Իսկ Թուրքիայից այստեղ վերաբնակեցվածների թիվը կազմում է 50 հազար: Եթե հայերը Ֆրանսիայում, Կանադայում կարող են սփյուռք ունենալ, մենք էլ ուրեմն կկարողանանք մեր սփյուռքն ունենալ և օգտագործել»,- ասել է թուրք պետնախարարը:
Tehran Time
Yerevan Time
No comments:
Post a Comment