ԹԵՀՐԱՆԻ ՀԱՅԿԱԿԱՆ ՄԻՈՒԹՅՈՒՆՆԵՐՈՒՄ

Հուշերեկո պրոֆ. Կարո Լուկասի

Առաջիկա հինգշաբթի, նոյեմբերի 11-ին, երեկոյան ժամը 8-ին, հովանավորությամբ և մասնակցությամբ ԹՀԹ բարեխնամ առաջնորդ

Տ. Սեպուհ արք. Սարգսյանի, Իրանահայ ազգային և մշակութային միության կենտրոնատեղիում կայանալու է հուշերեկո նվիրված Թեհրանի պետական համալսարանի դասախոս՝ մեծանուն գիտնական և 2006 թվականին Իրանի մնայուն դեմք հռչակված՝ դոկտ. պրոֆ. Կարո Լուկասի հիշատակին:

ՀԲԸՄ վերաբացման ծրագիր
Շաբաթ, 2010թ. նոյեմբերի 13-ին, երեկոյան ժամը 7-ին կայանալու է Թեհրանի Հայկական բարեգործական ընդհանուր միության վերաբացման ծրագիրը, որ կազմակերպվելու է թեմիս առաջնորդ Տ. Սեպուհ արք. Սարգսյանի հովանավորությամբ և մասնակցությամբ:
Այս ձեռնակին մասնակցելու են համայնքիս բոլոր միությունների ներկայացուցիչները և ինչու չէ նաև հին ու նոր ՀԲԸՄ-ականներ:
Հիշեցնում ենք, որ ՀԲԸՄ-ն Թեհրանում ունի երկու դպրոցներ՝ «Գյուլբենգյան» տղայոց տարրական և «Մարի Մանուկյան» օրիորդաց միջնակարգ, որոնք տարիներ է ինչ ծառայում են հայ մատղաշ սրնդին:
ՀԲԸՄ Թեհրանի մասնաճյուղը այժմ ղեկավարում է վաստակավոր ուսուցիչ և տէսչուհի Աստղիկ Բաբայանը:

Նոր Տարվա բազար
Դեկտէմբերի 9-ին՝ հինգշաբթի և 10-ին՝ ուրբաթ, ՀՄՄ «Րաֆֆի» համալիրում կայանալու է Նոր Տարվա բազար:
Ամենամյա այս գեղեցիկ սովորությունը «Րաֆֆի» համալիրում կայանում է բավական բարձր մակարդակով ու հաճելի մթնոլորտում ու հետայնու միութենականները սպասում են Նոր Տարվա դիմավորման ձեռնարկին...