Դավութօղլու. Հայաստանը ոչ լիարժեք ժողովրդավարության դժվարություններն է քաշում

News.am. 27-12-2010- Թուրքիայի արտգործնախարար Ահմեդ Դավութօղլուն լրագրողներին է ներկայացրել Թուրքիայի արտաքին քաղաքականության մեջ 2010-ին իրականցված կարեւոր քայլերը՝ անդրադառնալով նաեւ 2009-ի հոկտեմբերի 10-ին ստորագրված հայ-թուրքական արձանագրություններին։
Թուրքական Zaman-ի փոխանցմամբ՝ Դավութօղուն նշել է, թե այլեւս Հայաստանի հետ հարաբերությունները չեն վերադառնա այն իրավիճակին, որն առկա էր մինչ արձանագրությունների ստորագրումը։ «Կարեւորը սահման բացելը չէ, այլ այն բաց պահել կարողանալն է։ Դա էլ կախված է Հայաստանի եւ Ադրբեջանի միջեւ հարաբերություններում առկա լարվածության թուլացումից։ Մենք ժողովրդավարության անցման դժվարություններն ենք քաշում, իսկ Հայաստանը քաշում է ոչ լիարժեք ժողովրդավարության դժվարությունները»,-ասել է Ահմեդ Դավութօղլուն՝ շեշտելով, թե Հայաստանն է արձանագրությունից հետ կանգնելու առաջին քայլն արել։