Ալիևի կինը Լուկաշենկոյի սիրուհի՞ն է

Tert.am. 7-12-2010- Ադրբեջանի նախագահ Իլհամ Ալիևի գեղեցկուհի կինը հաճախակի հանդիպումներ է ունենում Բելառուսի նախագահ Ալեքսանդր Լուկաշենկոյի հետ։ Այս մասին տեղեկացնում է inoforum.ru կայքը՝ վկայակոչելով իտալական Il Foglio պարբերականը։
«Մի շարք բեռլինյան դիվանագետներ պատմել են Il Foglio թերթին, որ Մեհրիբան Ալիևան հաճախ է այցելում Գերմանիայի մայրաքաղաք։ Խոսակցություններ են շրջանառվում այն մասին, որ այդ այցերի ընթացքում Ալիևան ոչ ֆորմալ հանդիպումներ է ունենում «Եվրոպայի վերջին դիկտատորի», ինչպես նրան հաճախ անվանում են, Բելառուսի նախագահ Ալեքսանդր Լուկաշենկոյի հետ։
Իսկ Բեռլինում գեղեցկուհի Մեհրիբանի և բեղավոր Լուկաշենկոյի միջև առկա ռոմանտիկ կապը բոլորին հայտնի գաղտնիք է»,– նշում է inoforum.ru–ն։