«Լրագիր» 20-1-2011- Հունվարի 20-ին Երեւանում ՆԱՏՕ տեղեկատվական կենտրոնում ասուլիսի ընթացքում, Հայաստանում Մեծ Բրիտանիայի դեսպան Չարլզ Լոնսդեյլը պատասխանել է հարցին, թե ինչու է Մեծ Բրիտանիան ճանաչում Կոսովոյի եւ Հարավային Սուդանի անկախությունը, իսկ Ղարաբաղի անկախությունը չի ճանաչում: Դեսպան Լոնսդեյլը պատասխանել է, որ ամեն հակամարտություն յուրահատուկ է եւ պահանջում է առանձնահատուկ մոտեցում: Նա նշել է, որ Ղարաբաղի հակամարտությունը պետք է կարգավորվի Մինսկի խմբի շրջանակում:
Դեսպանի խոսքով, կարգավորումը պետք է տեղի ունենա երեք սկզբունքների` ուժի չկիրառման, ինքնորոշման եւ տարածքային ամբողջության հիման վրա: Դեսպանը շեշտել է, որ այդպիսի մոտեցում ունի նաեւ ՆԱՏՕ-ն: Նա հույս է հայտնել, որ հակամարտության կարգավորման ջանքը կունենա հաջողություն:
Դեսպան Լոնսդեյլը անդրադարձել է նաեւ հայ-թուրքական հարաբերության խնդրին, ասելով, թե չի կորցնում դրա շարունակման հույսը: Միեւնույն ժամանակ, Մեծ Բրիտանիայի դեսպանը հայտարարել է, որ իր երկիրը հանդես է գալիս այդ հարաբերության առանց նախապայմանների կատարման օգտին, ինչպես որ ենթադրում են երկու երկրների միջեւ ստորագրված արձանագրությունները: Դեսպանը նաեւ բացասական է գնահատել փաստը, որ 21-րդ դարում Եվրոպայում կան փակ սահմաններ:
Ինչ վերաբերում է ցեղասպանության խնդրին, ապա այդ իրողությունը որակելով որպես “զանգվածային սպանդ ու հայերի բռնի տեղահանություն», դեսպանը նշել է, որ Հայաստանը պետք է հիշի իր պատմությունը, սակայն նայի դեպի ապագան: Ինչ վերաբերում է Մեծ Բրիտանիայի խորհրդարանում հայերի ցեղասպանության հարցի քննարկմանը, որի մասին բարոնուհի, Լորդերի պալատի անդամ Քոքսն էր հարց բարձրացրել մոտ մեկ տարի առաջ, դեսպանն ասել է, որ դա Լորդերի պալատի առանձին անդամների նախաձեռնություն է եւ “այդ փաստաթուղթը չի քննարկվել ու չպետք է քվեարկության դրվեր”:
Դեսպանի խոսքով, կարգավորումը պետք է տեղի ունենա երեք սկզբունքների` ուժի չկիրառման, ինքնորոշման եւ տարածքային ամբողջության հիման վրա: Դեսպանը շեշտել է, որ այդպիսի մոտեցում ունի նաեւ ՆԱՏՕ-ն: Նա հույս է հայտնել, որ հակամարտության կարգավորման ջանքը կունենա հաջողություն:
Դեսպան Լոնսդեյլը անդրադարձել է նաեւ հայ-թուրքական հարաբերության խնդրին, ասելով, թե չի կորցնում դրա շարունակման հույսը: Միեւնույն ժամանակ, Մեծ Բրիտանիայի դեսպանը հայտարարել է, որ իր երկիրը հանդես է գալիս այդ հարաբերության առանց նախապայմանների կատարման օգտին, ինչպես որ ենթադրում են երկու երկրների միջեւ ստորագրված արձանագրությունները: Դեսպանը նաեւ բացասական է գնահատել փաստը, որ 21-րդ դարում Եվրոպայում կան փակ սահմաններ:
Ինչ վերաբերում է ցեղասպանության խնդրին, ապա այդ իրողությունը որակելով որպես “զանգվածային սպանդ ու հայերի բռնի տեղահանություն», դեսպանը նշել է, որ Հայաստանը պետք է հիշի իր պատմությունը, սակայն նայի դեպի ապագան: Ինչ վերաբերում է Մեծ Բրիտանիայի խորհրդարանում հայերի ցեղասպանության հարցի քննարկմանը, որի մասին բարոնուհի, Լորդերի պալատի անդամ Քոքսն էր հարց բարձրացրել մոտ մեկ տարի առաջ, դեսպանն ասել է, որ դա Լորդերի պալատի առանձին անդամների նախաձեռնություն է եւ “այդ փաստաթուղթը չի քննարկվել ու չպետք է քվեարկության դրվեր”:
Tehran Time
Yerevan Time
No comments:
Post a Comment