«Լրագիր» 17-1-2011- Թուրքական Հյուրրիյեթ թերթում հրապարակած Հոդվածում հեղինակն առաջարկում է Հայաստանի կառավարությանը գնել այդ հուշարձանը եւ տեղադրել այն սահմանի այս կողմում, միջազգային հանրությանը ցույց տալու համար, որ Հայաստանը շարունակում է մնալ խաղաղության կողմնակիցը Հարավային Կովկասում: “Անձնապես, մարդ կարող է չցանկանալ սեղմելու “լայք” կոճակը այս հուշարձանի նկարների տակ: Ինչեւէ արտիստների եւ քաղաքականություն իրականացնողների միջեւ տարբերությունը պետք է պահպանվի: Եթե արտիստները ազատ են արտահայտելու իրենց էմոցիաները “ճարտարապետական արժեքների”… վերաբերյալ, քաղաքականություն իրականացնողները պետք է տեսլական ունենան, բավական, որպեսզի յուղ չլցնեն վերջերս կրկին թափ առած ատելության, ազգայնականության եւ տգիտության կրակի վրա: Վարչապետ Էրդողանը, իհարկե, երկրորդ տիպի հանրային կերպարներից է, ոչ առաջին”:
'Ես կպնդեմ, որ Թուրքիայի ներկայիս քաղաքականությունը Կովկասում պակաս է զգում կայունության, տեսլականի, հետեւողականության եւ ներառականության, եւ դուռը բաց կթսղնեմ իմ հարգելի ընդդիմախոսների համար, որ հարցականի տակ դնեն իմ տեսակետը:' Ապա շարունակում. 'Այժմ Թուրքիայի կառավարության առաջնայնությունները փոխվել են: Թուրքիայի ներքին քաղաքականության հիմնաքարային փոփոխություններին զուգընթաց, ազգայնական զգացումների խորությունը արտահայտում է նաեւ այն, որ Կարսի հարեւան Իգդիր նահանգում, Ռոյթերս գործակալության հիշեցմամբ, դեռ կանգուն է մի հուշարձան, որ բաղկացած է հինգ 40-մետրանոց սրերից` ուղղված երկինք, որ հիշատակում է թուրքերի սպանությունները հայերի կողմից':
'Մենք չենք հասկանում, ինչպես կարող են խաղաղության եւ հաշտեցման խորհրդանիշերը վաճառվել հանուն վերընտրման, եթե սա է իրական պատճառը':
Tehran Time
Yerevan Time
No comments:
Post a Comment