News.am. 29-6-2011- Թուրքիայի նախագահ Աբդուլահ Գյուլն այսօր` հունիսի 29-ին հանձնարարել է երկրի վարչապետ Ռեջեփ Թայիփ Էրդողանին, ում կուսակցությունը («Արդարություն եւ զարգացում») հաղթել է հունիսի 12-ին կայացած խորհրդարանական ընտրություններում, ` նոր կառավարություն ձեւավորել:Նշենք, որ Թուրքիայում հունիսի 12-ին տեղի ունեցած խորհրդարանական ընտրություններում իշխող «Արդարություն եւ զարգացում» կուսակցությունը հավաքել է 50 տոկոս, հիմնական ընդդիմադիր «Ժողովրդահանրապետական» կուսակցությունը` 26 տոկոս, «Ազգայնական շարժումը»` 13 տոկոս:
Էրդողանի կուսակցությունը նոր խորհրդարանում կունենա 326 պատգամավոր: Այս արդյունքն Էրդողանին թույլ կտա ձեւավորել միակուսակցական խորհրդարան:
Թե ով կլինի նոր կառավարության կազմում, դեռ չի հաղորդվում: Իշխող կուսակցության ներսում նշում են, որ նախարարների ցուցակը նախագահ Գյուլին կներկայացվի մինչեւ այս շաբաթավերջ:
Tehran Time
Yerevan Time
No comments:
Post a Comment