Մահմուդ Աբասը ժամանել է Ադրբեջան

Պաղեստինի ինքնավարության ղեկավար Մահմուդ Աբասն այսօր պաշտոնական այցով Ադրբեջան է ժամանել։

Ինչպես տեղեկացնում են ադրբեջանական լրատվամիջոցները, Աբասին Բաքվի Հեյդար Ալիևի անվան միջազգային օդանավակայանում դիմավորել են Ադրբեջանի փոխվարչապետ Աբիդ Շարիֆովը և այլ պաշտոնատար անձինք։
Օդանավակայանում Աբասը կարճատև զրույց է ունեցել Շարիֆովի հետ։
Ավելի ուշ Պաղեստինի ինքնավարության ղեկավարը հանդիպել է Ադրբեջանի նախագահ Իլհամ Ալիևի հետ։ Հանդիպման ընթացքում քննարկվել են քաղաքական, հումանիտար և այլ ոլորտներում երկկողմ հարաբերությունների զարգացումը։