Լեւոն Տեր-Պետրոսյանը կազմաքանդեց ոչ թե ավազակապետությունը, այլ ընդդիմադիր դաշտը. պատգամավոր

News.am. 28-6-2011- Հայ ազգային կոնգրեսը կազմաքանդեց ոչ թե ավազակապետությունը, այլ ընդդիմադիր դաշտը: Այս մասին այսօր` հունիսի 28-ին լրագրողների հետ հանդիպման ժամանակ հայտարարեց «Ժառանգություն» խմբակցության ղեկավար Ստյոպա Սաֆարյանը: Նրա խոսքով, եթե ՀԱԿ-ն իրեն համարում է ընդդիմադիր դաշտի դոմինանտ ուժ, ապա պետք է ընդունի, որ իր դերն է խաղացել ընդդիմադիր դաշտի կազմաքանդման գործում:
Սաֆարյանը նաեւ կարծիք է հայտնել, որ այդ առումով ՀԱԿ-ի դերն ակնառու է հատկապես վերջին շրջանում: «Եթե ՀԱԿ-ը կարծում է, որ ընդդիմադիր քաղաքական դաշտը սկսվում եւ ավարտվում է 18 կուսակցություններով, որոնց կեսն անհայտ է հասարակությանը եւ քաղաքական ուժերին, ապա դա դեռ չի նշանակում, որ իրականությունն այդպիսին է»,-ասաց ընդդիմադիր գործիչը:
Պատգամավորը նաեւ նշեց, որ այդ ֆոնին զանգվածային հիասթափություն է տեղի ունենում հասարակության ընդդիմադիր տրամադրված հատվածի մոտ եւ դրա մեղավորը ՀԱԿ-ի ռազմավարությունն է: «Որեւէ քաղաքական ուժ անկարող է այդ հիասթափության դեմն առնել»,- ամփոփեց Սաֆարյանը: