Tert.am. 22-6-2011- ԱԳ նախարար Էդվարդ Նալբանդյանը պարզունակ աղավաղում է անվանել ԵԽԽՎ նախագահ Մեվլութ Չավուշօղլուի այն հայտարարությունը, թե հայ-թուրքական հարաբերությունների կարգավորումը կապված է ղարաբաղյան խնդրի կարգավորման հետ և այդ մասին բանավոր համաձայնություն է եղել Թուրքիայի և Հայաստանի միջև, ինչը նաև հաստատվել է Ֆրանսիայի, Շվեյցարիայի, Ռուսաստանի արտգործնախարարների և ԱՄՆ-ի պետքարտուղարի կողմից:«Հայ-թուրքական հարաբերությունների կարգավորման գործընթացը սկսվել և ընթացել է այն փոխըմբռնմամբ, այն փոխհասկացողությամբ, որ այդ կարգավորումը պետք է լինի առանց նախապայմանների, և հենց այդ պատճառով ստորագրված արձանագրություններում չկա որևէ նախապայման»,- Ստրասբուրգում պատասխանելով լրագրողների հարցերին ասել է Էդվարդ Նալբանդյանը։ Նա նշել է, որ արձանագրությունների ստորագրմանը ներկա բոլոր արտգործնախարարները բազմիցս կոչ են արել առանց նախապայմանների վավերացնել և իրագործել պայմանավորվածությունները:
«Հիշեցնեմ նաև պետքարտուղար Քլինթոնի հայտարարությունն առ այն, որ Հայաստանն իր ճանապարհն անցել է, գնդակը գտնվում է Թուրքիայի դաշտում, որը և պետք է կատարի իր ստանձնած պարտավորությունները:
Այնպես որ չեմ կարծում, թե տեղին է ապարդյուն փորձեր կատարել պատասխանատվությունը այլ կողմի վրա դնելու իմաստով»,- ընդգծել է ԱԳ նախարարը:
Tehran Time
Yerevan Time
No comments:
Post a Comment