Մահացել է հայտնի երգիչ Փոլ Բաղդադյանը

Tert.am. 29-6-2011- Հայտնի հայ երգիչ Փոլ Բաղդադյանը հունիսի 28-ին երկարատև հիվանդությունից հետո մահացել է:

Բաղդադյանը այն եզակի հայ երգիչներից է, ով հայտնի է ողջ աշխարհում: Նա իր կարիերան սկսել է 1970-ականներին՝ Մերձավոր Արևելքի երկրներում, ապա նրա փառքը տարածվել է Միացյալ Նահանգներում ու Եվրոպայում:
Նա գրել է ավելի քան հարյուր հիթային երգեր, մասնավորապես՝ սիրային թեմատիկայով, որոնք միավորել են հայերին ողջ աշխարհում:
Փոլ Բաղդադյանի էջը Facebook սոցիալական ցանցում ողողված է ցավակցական հաղորդագրություններով:
Մեկ տարի առաջ Բեյրությում տված հարցազրույցներից մեկում Բաղդադյանն ասել էր, որ իր կյանքի ամենաերջանիկ պահերից մեկը եղել է այն, երբ իմացել է, որ երկու հայ ծանոթացել ու ամուսնացել են իր համերգներից մեկի արդյունքում: