News.am. 29-6-2011- Սփյուռքահայ գործարար Վահագն Հովնանյանը, ով հայաստանցիներին առավելապես հայտնի է «Վահագնի թաղամաս» անունը կրող առանձնատների կառուցմամբ, այսօր` հունիսի 29-ին լրագրողների հետ հանդիպման ժամանակ հայտարարեց, որ մենաշնորհները Հայաստանում խանգարում են բիզնեսի ծավալմանը: «Ցորենի գործի մեջ մտանք, բայց մեզ ասացին` արտերը չհասած կվառենք»,- տեղեկացրեց գործարարը: Նմանապես` գործարարին խոչընդոտել են նաեւ փայտ ներկրել Ռուսաստանից: Ըստ Հովնանյանի` այստեղ մենաշնորհն այնքան զորեղ է, որ անգամ ռուս մատակարարները չեն ցանկացել իր հետ գործ ունենալ: Սակայն Հովնանյանը չցանկացավ լրագրողներին ասել, թե կոնկրետ ումից է ստանում սպառնալիքներ:Նշենք, որ ցորենի շուկայում ամենախոշոր մասնաբաժին ունի պատգամավոր Սամվել Ալեքսանյանին պատկանող «Ալեքս Գրիգ» ընկերությունը: Փայտանյութի ներկրման բիզնեսը, ըստ տարաբնույթ լուրերի, վերահսկվում է բանակի գեներալներից մեկը:
Հրայր Հովնանյանը պատմեց նաեւ, թե ինչպես իր սփյուռքահայ ոսկերիչ ընկերներից մեկին համոզել է գալ Հայաստան եւ բիզնես սկսել, սակայն հազիվ էր նա սկսել խանութի շինարարությունը, երբ տարաբնույթ տեսուչներ անընդհատ այցելել են եւ խանգարել; Արդյունքում` գործարարը կիսատ է թողել շինարարությունը եւ հեռացել Հայաստանից:
Վ. Հովնանյանը դժգոհեց նաեւ աշխատանքային օրենսգրքում վերջերս կատարված փոփոխություններից, ինչի հետեւանքով գործատուները ստիպված են վերակնքել աշխատանքային պայմանագրերը:
Tehran Time
Yerevan Time
No comments:
Post a Comment