Ովքե՞ր են խիստ կասկածելի կայքի հեղինակներըՈւշադրության կենտրոնում

HayNews.am. 14-7-2011- Facebook սոցիալական ցանցի «հովանավորված» բաժնում օրերս սկսել է հաճախակի հայտնվել անհայտ ծագմամբ մի գովազդ, որում խոսվում է «Հայաստանցի շարժման» մասին:

«Շարժումը» ոչ միայն էջ ունի սոցիալական ցանցում, այլ նաև կայք` AntiRussia անունով: «Շարժման» վերաբերյալ էջն ու կայքն առանձնանում են վիրավորանքի մեծ չափաբաժնով, որն ուղղված է Հայաստանի մի շարք քաղաքական գործիչների դեմ: Կայքում առկա են հակաարցախյան տրամադրություններ, ինչպես նաև ընդգծված հակառուսական դիրքորոշում:
Կայքն առանձնանում է նաև շարադրվածքի անգրագիտությամբ և խիստ կասկածելի է թվում նրա ծագումը, մասնավորապես այն, թե արդյո՞ք այն հայկական է: