Թուրքիայի քրդերը փոխում են իրենց կուսակցության անվանումը

Tert.am. 9-8-2011- Թուրքիայի խորհրդարանում ներկայացված «Խաղաղություն և ժողովրդավարություն» քրդամետ կուսակցությունը որոշում է կայացրել փոխել իր անվանումը։

Ինչպես գրում է թուրքական «Միլլիյեթ» օրաթերթը, քուրդ քաղաքական գործիչները նման որոշում են կայացրել այն բանի պատճառով, որ իրենց կուսակցության անվանումը շատ հաճախ շփոթում են թուրքական «Մեծ միասնություն» ազգայնական կուսակցության անվանման հետ։
Նշենք, որ թուրքերենով «Խաղաղություն և ժողովրդավարություն» քրդամետ կուսակցության անվան հապավումն է BDP, իսկ «Մեծ միասնությանը»՝ BBP։