News.am. 2-8-2011- Ադրբեջանի բարձրագույն ռազմական ակադեմիայի ուսանողները նամակ են ուղարկել ադրբեջանական «Մուսավաթ» թերթի խմբագրություն, որտեղ իրենց մեղադրանքներ են հնչեցնում պաշտպանության նախարար Սաֆար Աբիեւի կողմից պաշտոնական դիրքի չարաշահման վերաբերյալ: Նամակում մասնավորապես արծարծվում են հետեւյալ հարցերը. «Սաֆար Աբիեւն ի՞նչ հիմքերով է յուրացրել Պաշտպանության նախարարության կողմից ծառայողական նպատակներով հատկացված 1000 քմ բնակելի տարածքը եւ ավելի քան 1 հեկտար կազմող հողատարածքը: Իսկ որտե՞ղ են ապրելու հետագա պաշտպանության նախարարները: Թե՞ Աբիեւը որոշել է ցմահ զբաղեցնել այդ պաշտոնը եւ պաշտոնական դիրքի չարաշահմամբ ամբողջությամբ թալանել Պաշտպանության նախարարությանը: Ի՞նչ փողերով է Աբիեւը կառուցում միլիոնավոր գումարներ արժեցող ամառանոցները: Թե 2000 մանաթից ավելի աշխատավարձ է ստանում, իսկ միգուցե միլիոնանոց մաղարիչնե՞ր է ստանում»:Ինչպես հաղորդում է «Մուսավաթ»-ը, Սաֆար Աբիեւին է պատկանում Ռազմական ակադեմիայի հարեւանությամբ, Հասան Ալիեւ, Թեյմուր Ալիեւ եւ այլ փողոցների վրա գտնվող ամառանոցները, բացի այդ նա ունի մի շարք բնակարաններ նորակառույց բազմահարկ շենքում եւ հսկայական հողատարածք: Նախարարի տիրույթների ընդհանուր արժեքը 10 միլիոն մանաթի է հասնում:
Tehran Time
Yerevan Time
No comments:
Post a Comment