Մեթյու Բրայզան չի հասկանում, թե ինչու են հայերը դեմ Ադրբեջանում իր դեսպան նշանակվելուն

News.am. 22-12-2011- դրբեջանում ԱՄՆ դեսպան Մեթյու Բրայզան հուսով է, որ Սենատը կհաստատի իր թեկնածությունը Բաքվում ԱՄՆ դիվանագիտական առաքելության ղեկավարի պաշտոնում, հաղորդում է day.az-ը:

«Ամերիկացիների համար դժավար է հասկանալ այստեղի իրավիճակը: Հուսով եմ, որ նրանք, ովքեր դեմ հանդես կգան իմ թեկնածությանը, կվերլուծեն իրավիճակը եւ օբյեկտիվ որոշումներ կկայացնեն», -լրագրողներին դեկտեմբերի 22-ին ասել է Բրայզան:
Դեսպանի խոսքով` որպես Մինսկի խմբի համանախագահ, ինքը երբեք ոչ օբյեկտիվ դիրքորոշում չի ունեցել, ուստի չի հասկանում, թե ինչու են հայերը դեմ հանդես գալիս Ադրբեջանում դեսպանի պաշտոնում իր նշանակմանը:
Դեկտեմբերի վերջին Բրայզան ավարտում է դիվանագիտական առաքելությունը Ադրբեջանում: ԱՄՆ-ում հայկական լոբբին դեմ է հանդես գալիս Բրայզայի թեկնածությանը: