Թուրքիա մեկնող հայաստանցիների քանակը 2011-ին ավելացել է

News.am. 27-1-2012- Թուրքիա մեկնող հայաստանցիների քանակը 2011-ի ընթացքում 2010 թվականի համեմատ աճել է 4,5 տոկոսով։ Ինչպես NEWS.am-ը տեղեկանում է Թուրքիայի մշակույթի եւ տուրիզմի նախարարությունից, 2011-ի հունվար-դեկտեմբեր ամիսների ընթացքում Թուրքիա է այցելել 72 393 հայաստանցի, նախորդ տարվա 69 323-ի դիմաց։ Նշենք, որ 2010-ին Թուրքիա էր այցելել Հայաստանի 69323 քաղաքացի, որն իր հերթին 7 տոկոսով ավելի էր 2009-ի համեմատությամբ։ 2009-ին Թուրքիա է այցելել 64 982 հայաստանցի։