Երեխաների մի ամբողջ սերունդ վերածվում է զոմբիների

1in.am. 29-1-2012- Երեխաների մի ամբողջ սերունդ վերածվումէ կենդանի զոմբիների քնի պակասի պատճառով, որը համակարգչային խաղերի հանդեպ ունեցած իրենց կախվածության հետևանք է: Daily Mail-ի փոխանցմամբ՝ այսպես է կարծում բարեգործական մի ընկերություն: Վերջինս լուրջ մտահոգություններ ունի, որ համակարգչային խաղերի պատճառով երեխաները բավականաչափ չեն քնում: Wing South West բարեգործական ընկերությունը հայտնում է, որ իրենց հետազոտության համաձայն՝ համակարգչային խաղեր խաղացողների հասարակական ունակությունները նվազում են: Համակարգչային խաղերը, ըստ կազմակերպության, երեխաներին դնում են իրական հարաբերությունների նկատմամբ սիրո և կարեկցանքի կորստի վտանգի տակ: Փոլ Բրաուզերը Wings South West-ում աշխատում է երեխաների հետ: Նա հայտնել է, որ շատ երեխաներ «քարացած» տեսք ունեն, բայց ոչ այն պատճառով, որ թմրանյութ են օգտագործում. նրանք պարզապես քնի պակաս ունեն, քանի որ ամողջ ժամանակ խաղում են: Նա ավելացրել է, որ չի հասկանում՝ դա արդյոք կախվածությո՞ւն է, թե՞ մոլուցք: