Tert.am. 6-1-2012- Թուրքիայի զինված ուժերի գլխավոր շտաբի նախկին պետ Իլքեր Բաշբուղի ձերբակալության օրդեր է տրվել այն բանից հետո, որ նա 7 ժամ ցուցմունքներ է տվել Ստամբուլի դատախազությունում: Մեկուսարան ուղարկվելուց առաջ նա հայտնել է լրագրողներին, որ դատախազությունն իրեն մեղադրում է ահաբեկչական կազմակերպություն ստեղծելու և ղեկավարելու մեջ և այդ մեղադրանքները ծիծաղելի են:«Գլխավոր շտաբի պետ լինելով ես ղեկավարել են աշխարհի ամեանհզոր բանակներից մեկը: Նման բանակը ղեկավարող մարդուն ահաբեկչական կազմակերպություն ղեկավարելու մեղադրանքը տրագիկոմիկ է», - ասել է Բաշբուղը:
«Էրգենեկոնի» գործով, բացի «ահաբեկչական» մեղադրանքներից նրան մեղադրում են նաև պետական հեղաշրջման նախապատրաստման, ինչպես նաև պետական այլ կառույցների աշխատանքներին խոչընդոտելու համար: Մասնավորապես, Բաշբուղը, այլ կասկածյալների հետ միասին ստեղծել է մի քանի կայքեր, որտեղ վարկաբեկվել է երկրի ներկայիս իշխանությունը: Նախկին գեներալը բազմիցս հերքել է մեղադրանքները: Դատախազությունը գտնում է, որ այդ կայքերը ստեղծվել են Բաշբուղի անմիջական ցուցումով:
Նախկին գեներալը Թուրքիայի պատմույթան մեջ դարձավ առաջին նման բարձրաստիճան նախկին զինվորականը, ում ձերբակալել է քաղաքացիական դատարանը, գրում է APA-ն:
Tehran Time
Yerevan Time
No comments:
Post a Comment