«Լրագիր» 7-1-2012- Եվրոպան ու ԱՄՆ-ն արտակարգ պլան են մշակում Իրանի կողմից Օրմուզի նեղուցն արգելափակելու դեպքի համար, որտեղով կատարվում է նավթամթերքների համաշխարհային մատակարարումների 40 տոկոսը, գրում է Ռոյթերը՝ ավելացնելով, որ արեւմտյան փորձագետներն այդ հարցով արդեն մի քանի խոհրդակցություններ են անցկացրել: 2012թ հունվարի 5-ին տեղի է ունեցել Միջազգային էներգետիկ գործակալության ներկայացուցիչների հանդիպումը, ովքեր քննարկել են Օրմուզի նեղուցում իրավիճակի լարման դեպքում գործողությունների ծրագիրը:
Նշվում է, որ եթե Օրմուզի նեղուցը փակվի, Միջազգային էներգետիկ գործակալությունը պատրաստ է օրական 14 մլն բարել նավթ մատակարարել շուկային իր ռազմավարական պահուստներից նավթի գնաճ ու դեֆիցիտ թույլ չտալու համար:
Հիշեցնենք, որ 2011թ դեկտեմբերի 27-ին Իրանի առաջին փոխնախագահ Մոհամմադ Ռեզա Ռահիմին հայտարարել է, որ Իրանի ռազմածովային ուժերը կարգելափակեն տանկերների անցումը Օրմուզի նեղուցով, եթե Արեւմուտքը սանկցիաներ մտցնի Իրանի նավթային ոլորտի նկատմամբ:
Tehran Time
Yerevan Time
No comments:
Post a Comment