Յուրի Խաչատուրով. Ադրբեջանում հասկանում են, որ գահին սուլթան է նստած

News.am. 28-1-2012- Հայկական բանակը շատ ուժեղ է դարձել: Այս մասին, այսօր` հունվարի 28-ին, «Եռաբլուրում», լրագրողների հետ զրույցում ասաց Հայաստանի զինված ուժերի գլխավոր շտաբի պետ, գեներալ-գնդապետ Յուրի Խաչատուրովը` շնորհավորելով հայ ժողովրդին ՀՀ զինված ուժերի կազմավորման 20-ամյակի կապակցությամբ: Նրա խոսքով` 20 տարվա ընթացքում Հայաստանի զինված ուժերի կայացման ճանապարհին ամենակարեւոր ձեռքբերումը սպայական կազմի պատրաստվածության բարձր որակն է: Խոսելով Ադրբեջանում իրավիճակի եւ այդ երկրի կողմից ռազմատենչ հռետորաբանության նվազման մասին, Խաչատուրովը նշեց, որ այդ երկրի ներսում զգացվում է սուլթանական ռեժիմը. «Այնտեղ գործերը վատ են...Իսկ թե ինչու են սկսել ավելի քիչ պատերազմի սպառնալիք տեղալ` հարցրեք Ալիեւին»,-նշեց նա: