Թուրքիա մեկնող հայաստանցիների թիվը հունվարին նվազել է

News.am. 27-2-2012- Թուրքիա մեկնող հայաստանցիների թիվը 2012-ի հունվարին նվազել է նախորդ տարվա նույն ժամանակահատվածի համեմատ 2 տոկոսով։ Ինչպես NEWS.am-ը տեղեկանում է Թուրքիայի մշակույթի եւ տուրիզմի նախարարությունից, 2012-ի հունվարին Թուրքիա է այցելել 2 667 հայաստանցի։ Նախորդ տարի հունվարին Թուրքիա էր այցելել 2 723 հայաստանցի։ Նշենք, որ 2011-ին Թուրքիա է այցելել 72 393 հայաստանցի, որը 4,5 տոկոսով ավելի էր 2010-ի համեմատությամբ։