Թուրքիայի դպրոցներում քրդերենը կարող է ընտրովի առարկա լինել. թուրք նախարար

News.am. 12-3-2012-Թուրքիայի ազգային կրթության նախարար Օմեր Դինչերը թուրքական TRT-ին տված հարցազրույցում անդրադարձել է 12-ամյա նոր կրթական համակարգին՝ նշելով, որ դրա կիրառման ժամանակ քրդերենը որպես ընտրովի առարկա կարող է մտցվել դպրոցական ծրագիր։ Թուրքական Milliyet-ի փոխանցմամբ՝ Թուրքիայի ազգային կրթության նախարարը նշել է, թե ալեւիների պահանջով դպրոցական ծրագրերից կարող է հանվել կրոնի ժամերը։ Անդրադառնալով քրդերենը դպրոցական ծրագրերում ընդգրկելուն, նախարարը նշել է, թե իր անձնական կարծիքով քրդերենը մյուս օտար լեզուների պես կարող է դպրոցներում լինել որպես ընտրովի առարկա։