Արտագաղթի տեմպերն արագացել են. քանի՞ մարդ է մեկնել եւ ժամանել օդանավակայաններից հունվարին

Tert.am. 7-3-2012- «Զվարթնոց» օդանավակայանից 2012 թ. հունվարին մեկնել է 58095 ուղեւոր, ժամանել 51935-ը: Այդ մասին NEWS.am-ը տեղեկանում է ՀՀ կառավարությանն առընթեր Քաղաքացիական ավիացիայի գլխավոր վարչության կայքէջից: 2011 թ, հունվարի համեմատ «Զվարթնոց» օդանավակայանից մեկնողների թիվն ավելացել է 1310-ով, իսկ ժամանողներինը պակասել 335-ով: Հայաստանի մյուս` «Շիրակ» օդանավակայանից 2012 թ. հունվարին մեկնել է 2975 ուղեւոր, ժամանել 2291-ը: Այդ օդանավակայանից մեկնողների թիվը նախորդ տարվա հունվարի համեմատ ավելացել է 846-ով, սակայն ժամանողներինը նույնպես ավելացել է` 1127-ով: Ընդհանուր առմամբ` Հայաստանի 2 օդանավակայաններից հունվարին մեկնել է 61070 մարդ, ժամանել 54226 մարդ: Մեկնողների ընդհանուր թիվը նախորդ տարվա հունվարի համեմատ ավելացել է 2156-ով, ժամանողներինը` 792-ով: