Saturday, March 10, 2012

Եթե Ադրբեջանը ցանկանա, Իրանը կարող է դառնալ ԼՂ կարգավորման միջնորդ. Իրանի դեսպան 1in.am. 9-3-2012- «Նախիջևանում Ադրբեջանի, Իրանի և Թուրքիայի ԱԳ նախարարների եռակողմ հանդիպումը նշանակալի է ինչպես տարածաշրջանային, այնպես էլ միջազգային տեսանկյունից»,-այս մասին, ըստ АПА–ի, հաղորդել է Ադրբեջանում Իրանի դեսպան Մուհամեդբաղեր Բահրամին: Նա ընդգծել է նախիջևանյան հանդիպման նշանակությունը: Խոսելով իրանա-ադրբեջանական հարաբերությունների մասին՝ դեսպանը դիմել է երկու երկրների լրագրողներին. «Ես դիմում եմ երկու երկրների լրագրողներին, որպեսզի նրանք լուսաբանեն միայն այն դեպքերը, որոնք կծառայեն երկկողմ հարաբերությունների զարգացմանը»: Խոսելով Լեռնային Ղարաբաղի հակամարտության մասին՝ դիվանագետը նշել է, որ դա տարածաշրջանի խնդիրն է: Նրա խոսքերով՝ եթե ադրբեջանական կողմը ցանկանա, Իրանը կարող է այդ հարցում որպես միջնորդ հանդես գալ: Դեսպանը քննադատել է ԵԱՀԿ Մինսկի խմբի գործունեությունը. «Նրանք խնդիրը չեն լուծում, հակառակը՝ խնդիր են առաջացնում»: Մ. Բահրամին կրկին հայտարարել է, որ Իրանը մտադիր է ատոմային էներգիան օգտագործել միայն խաղաղ նպատակների համար: «Իրանում չկա միջուկային արտադրություն: Ընդհանրապես միջուկային զենքը պետք է ոչնչացվի, որտեղ էլ այն գտնվի»:
ارسال شده توسط Arax در 8:09 AM
برچسبها:

No comments:

Post a Comment

Subscribe to: Post Comments (Atom)