Panorama.am. 16-4-2012- Վարչապետ Տիգրան Սարգսյանն ընդունել է Իսրայելի գյուղատնտեսության և գյուղական զարգացման նախարար Օրիթ Նոկեդի գլխավորած պատվիրակությանը, տեղեկացնում են կառավարության լրատվական ծառայությունից: «Ձեր այցը Հայաստան կարելի է դիտարկել որպես նոր քայլ հայ-իսրայելական հարաբերությունների զարգացման ճանապարհին: Մենք շահագրգռված ենք դրանում և պատրաստ ենք անցնել այդ ճանապարհը»,- ասել է վարչապետը: Կառավարության ղեկավարը նշել է, որ առկա է երկկողմ համագործակցության մեծ դաշտ, հատկապես, տնտեսական ոլորտում: Տիգրան Սարգսյանի խոսքով՝ մեր երկրի համար օգտակար և կիրառելի են գյուղատնտեսության բնագավառում Իսրայելի կողմից ներդրվող նորագույն տեխնոլոգիաները: Այդ առումով, վարչապետը կարևորել է փորձի փոխանակումը:
Շնորհակալություն հայտնելով ջերմ ընդունելության համար՝ Օրիթ Նոկեդին տեղեկացրել է, որ գյուղատնտեսության բնագավառում նախատեսվում է ստորագրել երկկողմ համագործակցության համաձայնագիր: «Պատրաստ ենք կիսվել մեր կուտակած փորձով: Վստահ եմ, որ կարող ենք միասին աշխատել հաջողությամբ և իրականացնել գործնական տարբեր ծրագրեր: Համոզված եմ, որ կարող ենք Հայաստանի հետ համագործակցել նաև այլ ոլորտներում»,- ասել է Իսրայելի գյուղատնտեսության և գյուղական զարգացման նախարարը:
Այդ առումով, Օրիթ Նոկեդին նշել է, որ ստեղծվելու է հայ-իսրայելական աշխատանքային խումբը, որը կմշակի համատեղ ծրագրեր, կիրականացնի փորձի փոխանակում և այլն:
Զրուցակիցները քննարկել են նաև զբոսաշրջության, դեղագործության, ճարտարագիտության և այլ բնագավառներում երկկողմ համագործակցությանն առնչվող հարցեր:Tuesday, April 17, 2012
Կստեղծվի հայ-իսրայելական աշխատանքային խումբ
Panorama.am. 16-4-2012- Վարչապետ Տիգրան Սարգսյանն ընդունել է Իսրայելի գյուղատնտեսության և գյուղական զարգացման նախարար Օրիթ Նոկեդի գլխավորած պատվիրակությանը, տեղեկացնում են կառավարության լրատվական ծառայությունից: «Ձեր այցը Հայաստան կարելի է դիտարկել որպես նոր քայլ հայ-իսրայելական հարաբերությունների զարգացման ճանապարհին: Մենք շահագրգռված ենք դրանում և պատրաստ ենք անցնել այդ ճանապարհը»,- ասել է վարչապետը: Կառավարության ղեկավարը նշել է, որ առկա է երկկողմ համագործակցության մեծ դաշտ, հատկապես, տնտեսական ոլորտում: Տիգրան Սարգսյանի խոսքով՝ մեր երկրի համար օգտակար և կիրառելի են գյուղատնտեսության բնագավառում Իսրայելի կողմից ներդրվող նորագույն տեխնոլոգիաները: Այդ առումով, վարչապետը կարևորել է փորձի փոխանակումը:
Շնորհակալություն հայտնելով ջերմ ընդունելության համար՝ Օրիթ Նոկեդին տեղեկացրել է, որ գյուղատնտեսության բնագավառում նախատեսվում է ստորագրել երկկողմ համագործակցության համաձայնագիր: «Պատրաստ ենք կիսվել մեր կուտակած փորձով: Վստահ եմ, որ կարող ենք միասին աշխատել հաջողությամբ և իրականացնել գործնական տարբեր ծրագրեր: Համոզված եմ, որ կարող ենք Հայաստանի հետ համագործակցել նաև այլ ոլորտներում»,- ասել է Իսրայելի գյուղատնտեսության և գյուղական զարգացման նախարարը:
Այդ առումով, Օրիթ Նոկեդին նշել է, որ ստեղծվելու է հայ-իսրայելական աշխատանքային խումբը, որը կմշակի համատեղ ծրագրեր, կիրականացնի փորձի փոխանակում և այլն:
Զրուցակիցները քննարկել են նաև զբոսաշրջության, դեղագործության, ճարտարագիտության և այլ բնագավառներում երկկողմ համագործակցությանն առնչվող հարցեր:
Subscribe to:
Post Comments (Atom)
Tehran Time
Yerevan Time
No comments:
Post a Comment