ԼՂՀ ՊՆ. Պաշտպանության բանակը պարբերաբար վարժանքներ է իրականացնում

News.am. 22-5-2012- Լեռնային Ղարաբաղի հանրապետության պաշտպանության բանակը պարբերաբար վարժանքներ է իրականացնում: Այս մասին NEWS.am-ի թղթակցի հետ զրույցում ասաց ԼՂՀ պաշտպանության բանակի մամուլի քարտուղար Սենոր Հասրաթյանը` մեկնաբանելով ադրբեջանական լրատվամիջոցների տեղեկությունները, թե «հայերը վարժանքներ են իրականացնում ծանր հրետանու օգտագործմամբ»: «Պաշտպանության բանակի ստորաբաժանումները, տարեկան պլանի շրջանակներում, պարբերաբար վարժանքներ իրականացնում` ուղղված մարտունակության բարձրացմանը»,-ընդգծել է Հասրաթյանը: Միաժամանակ, նա հերքել է ադրբեջանական լրատվամիջոցների ենթադրությունները` այդ վարժանքներին Հայաստանի ԶՈՒ մասնակցության վերաբերյալ: «Վարժանքներին մասնակցել են բացառապես ԼՂՀ պաշտպանության բանակի ստորաբաժանումները»,-հայտնել է Սենոր Հասրաթյանը: