Թուրքիայում հերթական քրդական թերթն են արգելել

News.am. 22-5-2012- Ստամբուլի ծանր հանցագործությունների գործերով 9-րդ դատարանի որոշմամբ քրդական Demokratik Vatan Gazetesi թերթը փակվել է մեկ ամսով։ Ինչպես տեղեկացնում է ANF գործակալությունը, դատարանը թերթի փակումը հիմնավորել է նրանով, թե թերթը PKK-ի (Թուրքիայում PKK-ն համարվում է ահաբեկչական կառույց) օգտին քարոզչություն է արել։ Նշենք, որ 2 ամիս առաջ թուրքական դատարանը քրդական Özgür Gündem թերթը մեկ ամսով փակելու որոշում էր կայացրել, սակայն հասարակական խիստ արձագանքի արդյունքում օրեր անց որոշումը չեղյալ էր հայտարարվել։