Լարիջանին Ահմադինեժադին առաջարկել է հրաժարվել Կասպից ծովի ջրերը փոխադրելու նախագծից

1in.am. 26-6-2012- Shomal News-ի փոխանցմամբ՝ Իրանի խորհրդարանի նախագահ Ալի Լարիջանին նամակ է հղել նախագահ Մահմուդ Ահմադինեժադին՝ առաջարկելով կասեցնել Կասպից ծովի ջուրը երկրի կենտրոնական շրջաններ փոխադրելու նախագիծը: Լարիջանին իր առաջարկը հիմնավորել է այդ նախագծից բխող երկու խնդիրներով. «Նախ նախագծի պետական ֆինանսավորումը գերազանցում է պետբյուջեի սահմանած սահմանագիծը: Եվ երկրորդ, վարչակազմի կողմից տվյալ նախագծի շուրջ տենդերների չեղյալ հայտարարումը հակասում է օրենքին»: Հիշեցնենք, որ այդ նախագծի համաձայն՝ տարեկան Կասպից ծովից 500 միլիոն խորանարդ մետր ջուր աղազրկված վիճակում պետք է ուղղվի երկրի կենտրոնական շրջաններ: