Հրանտ Դինքի կինն արցելել է այն շրջան, որտեղ սպանվել են 34 քուրդ գյուղացիներ

News.am. 7-7-2012- Ստամբուլում լույս տեսնող «Ակոս» թերթի նախկին գլխավոր խմբագիր Հրանտ Դինքի կինը` Ռաքել Դինքը, այցելել է Թուրքիայի Ուլուդերեի շրջան, որտեղ թուրքական օդուժի կողմից սպանվել էին 34 քուրդ գյուղացիներ: Այլ մտավորականների հետ միասին Ռաքել Դինքը մասնակցում է զոհերի հուշարձան կառուցելու նախագծին, հաղորդում է Hurriyet Daily News-ը: Ռաքելը ցավակցել է զոհերի ընտանիքներին եւ այցելել գերեզմանոց: Սպասվում է, որ հուշարձանը կկառուցվի աշնանը. մեծ քարի վրա կփորագրվեն 34 զոհերի անունները: Նշենք, որ 2011 թվականի դեկտեմբերի 28-ի երեկոյան, Թուրքիայի օդուժի F-16 կործանիչները հարվածներ են հասցրել Իրաքից Թուրքիա մաքսանենգ ապրանք տեղափոխող խմբի ուղղությամբ: Արդյունքում սպանվել էին 34 քուրդ գյուղացիներ: Անկարան նշել է, որ սխալմամբ քաղաքացիական անձանց համարել է PKK-ի գրոհայիններ եւ հարվածել է նրանց: