Ադրբեջանը մեկ միլիոն դոլար կվճարի բուլղարացի օլիմպիական փոխչեմպիոնի համար

News.am. 18-8-2012- Ադրբեջանը պատրաստ է մեկ միլիոն դոլարով Բուլղարիայի ընբշամարտի ֆեդերացիայից գնել Լոնդոնի Օլիմպիական խաղերի ըմբշամարտի կանանց մրցաշարի արծաթ մեդալակիր Ստանկա Զլատեւային եւ նրա մարզիչին։ Այդ մասին հաղորդում է extratime.az-ը՝ հղում անելով բուլղարական «Սենսացիա» կայքին։ Ադրբեջանը պատրաստ է Ստանկա Զլատեւային վճարել տարեկան 250 հազար դոլար աշխատավարձ։ Ադրբեջանական կողմի համար գերնպատակ է 2016թ. Ռիո դե Ժանեյրոյի Օլիմպիական խաղերում ոսկե մեդալ նվաճելը։ Եթե այդ խնդիրը լուծի Զլատեւան, ապա կստանա մեկ միլիոն դոլար։ Ստանկա Զլատեւան հաստատել է, որ առաջարկ է ստացել, սակայն երկիրը չի նշել։ Հիշեցնենք, որ Ադրբեջանի հավաքականում բուլղարացի Վալենտին Խրիստովը Լոնդոնում նվաճեց բրոնզե մեդալ։ Ծանրամարատի Ադրբեջանի հավաքականի գլխավոր մարզիչն է բուլղարացի Զլատան Վանեւը։Ադրբեջանն է ներկայացնում նաեւ բուլղարացի թիավար Ալեքսանդրա Ալեքսանդրովը։