ՄԱԿ-ի գլխավոր քարտուղարը կայցելի ուրանի հարստացման իրանական կենտրոն

tert.am. 27-8-2012- ՄԱԿ-ի գլխավոր քարտուղար Բան Կի-մունը, ով չորեքշաբթի լինելու է Իրանում, պատրաստվում է այցելել նաև այդ երկրի ուրանի հարստացման կենտրոն, տեղեկացնում է իրանական Fars գործակալությունը: Իրանի փոխարտգործնախարար Մեհդի Ախունզադեն հայտարարել է, որ Բան Կի-մունը մասնակցելու է Չմիավորման շարժման 16-րդ գագաթնաժողովին: Համաձայն փոխարտգործնախարարի տարածած տեղեկատվության` Իրանը պատրաստվում է գագաթնաժողովի մասնակից բարձրաստիճան հյուրերին ներկայացնել իր ռազմական վերջին ձեռքբերումները ևս: Գագաթնաժողովը մեկնարկել է երեկ և շարունակվելու է մինչև օգոստոսի 30-ը: