Ժամանակակից Թուրքիայում Նոբելյան մրցանակակրի կյանքը հեշտացե՞լ է

News.am. 20-8-2012- Նշանավոր թուրք գրող, Նոբելյան մրցանակակիր Օրհան Փամուկը հայտնել է, որ այսօրվա Թուրքիայում նա իրեն առավել հանգիստ է զգում: «Իմ դեմ իրականացվող արշավը տեւել է մինչեւ 2010 թ-ը: Ես մեծ անհարմարավետություն եմ զգացել» Այժմ ամեն ինչ առավել հանգիստ է: Միգուցե դրա պատճառ է նաեւ այն հանգամանքը, որ ես Նոբելյան մրցանակ եմ ստացել կամ էլ փոխվել է ինքը` երկիրը»,-ասել է Փամուկը` «The Independent» բրիտանական պարբերականի հետ հարցազրույցում: Ըստ հոդվածի հեղինակի, թեեւ Փամուկը վստահեցնում է, որ նա այժմ առավել հանգիստ է ապրում, սակայն իրեն դեռեւս ուղեկցում է պետության կողմից նշանակված թիկնապահը: Փամուկը կարծում է, որ մարդիկ իզուր են իր մեջ դիվանագետի տեսնում եւ համարում Թուրքիայի ձայնը.«դա բեռ է ինձ համար: Մարդիկ իմ մեջ տեսնում են այպես կոչված դիվանագետի, ինչը չի համապատասխանում իմ բնույթին»,-ասել է նա: Հիշեցնենք, որ 2005 թ.-ին Փամուկը շվեյցարական թերթերից մեկին տված հարցազրույցի ժամանակ հայտնել է, որ 1915 թ.-ին թուրքերը 1 միլիոն հայ եւ 30 հազար քուրդ են սպանել: «Թուրքիայում այս մասին ոչ մեկ իրավունք չունի խոսել, բայց ես խոսում եմ»,-հայտնել է Օրհան Փամուկը: Դրանից հետո նրան սկսել են հետեւել Քրեական օրենսդրության 301-րդ հոդվածի համաձայն(թուրքական ինքնությանը հասցված վիրավորանք):