Իրանի Բուշերի ատոմակայանն արդեն գործում է նախագծային ողջ հզորությամբ

News.am. 31-8-2012- Բուշերի ատոմակայանի առաջին էներգաբլոկն օգոստոսի 30-ին սկսել է գործել 100% նախագծային հզորությամբ, այդ մասին հայտնել է ԱԷԿ-ը կառավարող ընկերությունը: Ընկերության փոխտնօրենի խոսքով` ատոմակայանի ողջ հզորությամբ գործարկումը այն շահագործման հանձնելու վերջին փուլն է: «ՌԻԱ Նովոստիի» աղբյուրները հաղորդել են, որ մեկուկես-երկու ամսվա ընթացքում ԱԷԿ-ը կաշխատի տարբեր ռեժիմներով, իսկ հետո արդեն կստորագրվի նախնական ընդունման ակտ: Պատվիրատուին ԱԷԿ-ը նախատեսվում է հանձնել ընթացիկ տարեվերջին: Բուշերի ԱԷԿ-ի պաշտոնական բացումը տեղի էր ունեցել 2010թ. օգոստոսին: