«ՀԵՏՔ» 7-6-2009- Հանրային հեռուստատեսության «Հայլուր» ծրագրով այսօր hայտնի քաղաքագետ, Մոսկվայի միջազգային հարաբերությունների պետական ինստիտուտի պրոֆեսոր Անդրանիկ Միհրանյանը սենսացիոն հայտարարություններ է արել: Մեջբերում ենք նրա խոսքերը.
«Նախ այդ «Ճանապարհային քարտեզը» ստորագրվել էր ոչ թե ապրիլի 23-ին այլ ապրիլի 2-ին, ուղղակի հայտարարվել էր 23-ին: 2-րդը` ես պետք է ասեմ, որ Թուրքիան դրա հետ ոչ մի կապ չունի փաստորեն: Ոչ մի կապ, ինչ իմաստով. ես ամերիկյան ամենահավաստի աղբյուրներից տեղյակ էի 23-ից 2 շաբաթ առաջ, որ Օբաման ոչ մի կերպ չի ճանաչելու ցեղասպանությունը եւ չի օգտագործելու ցեղասպանություն բառը: Սա միանշանակ հայտնի էր եւ Պետդեպարտամենտում, եւ հայտնի էր Թուրքիայում, եւ հայտնի էր Հայաստանում: Հայկական դիվանագիտության համար շատ կարեւոր էր, որ եթե նույնիսկ այս անգամ Օբաման չգնա ընդունելու ցեղասպանությունը, նրանից հնարավոր լինի կորզել մի բան, որը ներ կքաշի Ամերիկային հայկական պրոբլեմների մեջ եւ հայ-թուրքական հարաբերությունների մեջ, որպես մի գործոն, որը Հայաստանի նկատմամբ պարտականություն ունի արդեն: Ինձ թվում է, որ Հայաստանում համարյա թե ուշադրություն չեն դարձնում, կամ փորձում են չնկատել Պետդեպարտամենտի հայտարարությունը: Ոչ միայն հայտարարվեց այդ «Ճանապարհային քարտեզ»-ի մասին, այլեւ հայտնի երկու կետերը, որը հայտարարվեց Պետդեպարտամենտի կողմից, խոսում է նրա մասին, որ հայկական դիվանագիտությունը Միացյալ նահանգներին քաշեց այս հարցի մեջ որպես կողմ, որը իր վրա վերցնում է պարտականություն: Ես սա համարում եմ փայլուն հաջողություն»,- ասել է քաղաքագետը:
Tuesday, June 9, 2009
Subscribe to:
Post Comments (Atom)
Tehran Time
Yerevan Time
No comments:
Post a Comment