HayInfo.12-8-2009- Առաջիկայում ՀՀ կառավարությունը կհաստատի հասանելի բնակարանի և ավտոմեքենայի ձեռքբերման ծրագիրը, ասաց ՀՀ սպորտի և երիտասարդության հարցերի նախարար Արմեն Գրիգորյանը:
«Սոցիալ-տնտեսական խնդիրներն առավել տարածված են երիտասարդների մոտ: Այդ դժվարությունները հաղթահարելու համար այս տարվանից երկրում մշակվում է հասանելի բնակարանի և ավտոմեքենայի ձեռքբերման ծրագիրը երիտասարդ ընտանիքների համար: Ներկայում ծրագիրը քննվում է կառավարության կողմից և շուտով կհաստատվի»,- չորեքշաբթի լրագրողներին ասաց Գրիգորյանը:
Նրա խոսքով, ծրագիրը մշակվել է ՀՀ նախագահ Սերժ Սարգսյանի և վարչապետ Տիգրան Սարգսյանի հանձնարարականի համաձայն, և երկրի ղեկավարի նախընտրական ծրագրի շարունակությունն է հանդիսանում:
Ինչպես հստակեցրեց նախարարը, հասանելի բնակարանը երիտասարդ ընտանիքները կկարողանան ձեռք բերել հիպոտեկային ծրագրով, ընդ որում Երևանի, մարզերի և սահմանամերձ տարածքների համար կհաստատվեն կանխավճարի և տոկոսների տարբեր դրույքաչափեր: Գրիգորյանն ավելացրեց, որ գումարը երիտասարդ ընտանիքները կմարեն 15 տարվա ընթացքում:
«Կարծում եմ, որ շուտով երիտասարդ ընտանքիները կկարողանան օգտվել նման հնարավորությունից»,- հայտարարեց նախարարը:
Thursday, August 13, 2009
Subscribe to:
Post Comments (Atom)
No comments:
Post a Comment