Հայաստանի հավաքականը ՖԻՖԱ-ի դասակարգման աղյուսակում բարձրացել է 25 կետով

/PanARMENIAN.Net/ 16.10.2009 - 2009 թ. հոկտեմբերի 16-ին հրապարակվեց ազգային հավաքականների ՖԻՖԱ-ի դասակարգման աղյուսակը: Նախորդ ամսվա համեմատ Հայաստանի ազգային ընտրանին բարձրացել է 25 տեղով եւ զբաղեցնում է դասակարգման աղյուսակի 100-րդ հորիզոնականը: Առաջատարների եռյակում փոփոխություն չկա: Դասակարգման աղյուսակը շարունակում է գլխավորել աշխարհի հնգակի չեմպիոն Բրազիլիայի հավաքականը, որին հաջորդում է Եվրոպայի գործող չեմպիոն Իսպանիայի ընտրանին, իսկ առաջատարների եռյակը եզրափակում է Հոլանդիան: Լավագույն տասնյակում իր տեղում` 7-րդ հորիզոնականում է մնացել միայն Անգլիայի հավաքականը: Ռուսաստանի հավաքականը դուրս է եկել առաջին տաս հավաքականների շարքից` 6-րդ իջնելով 12-րդ տեղ: Իսկ պորտուգալացիները 17-ից 10-րդ տեղն են բարձրացել: Առաջին տաս թիմերի եւ ենթախմբում Հայաստանի հավաքականի մրցակից թիմերի դասակարգային դրությունն ունի հետեւյալ տեսքը` 1. Բրազիլիա - 1632 (միավոր) 2. Իսպանիա - 1629 3. Հոլանդիա - 1340 4. Իտալիա - 1215 5. Գերմանիա- 1161 6. Արգենտինա - 1103 7. Անգլիա - 1101 8. Խորվաթիա - 1087 9. Ֆրանսիա - 1049 10. Պորտուգալիա - 1042 39. Թուրքիա - 737 42. Բոսնիա եւ Հերցեգովինա - 721 68. Բելգիա - 474 100. ՀԱՅԱՍՏԱՆ - 325 103. Էստոնիա - 306