News.am.16-11-2009- «Թող ոչ ոք մեր դեմ պայմաններ չդնի, որպեսզի մենք ԵՄ-ին անդամակցելու համար հրաժարվենք Կիպրոսից եւ մեր կիպրացի եղբայրներից: Թող բոլորն իմանան, որ Թուրքիան չի փոխում իր եղբայրներին ԵՄ անդամակցության հետ»,- նման հայտարարությամբ է հանդես եկել Թուրքիայի փոխվարչապետ Ջեմիլ Չիչեկը՝ Հյուսիսային Կիպրոսի թուրքական հանրապետության 26-ամյակի կապակցությամբ:
«Այո, Թուրքիան խաղաղություն է ցանկանում կղզում (Կիպրոսում), բայց այդ խաղաղությունը պետք է լինի արդար: Մենք միշտ լինելու ենք մեր եղբայրների կողքին»,- ասել է Չիչեկը, հավելելով, որ Թուրքիան այսուհետ եւս շարունակելու է քաղաքական, տնտեսական ու այլ օժանդակություն հատկացնել Հյուսիսային Կիպրոսի թուրքական հանրապետությանը:
Հիշեցնենք, որ թուրքական զորքերը 1974 թվականին ներխուժեցին Կիպրոս եւ գրավեցին նրա 40 տոկոսը: Մինչ օրս Կիպրոսի ինքնահռչակ թուրքական հանրապետությունը ճանաչել է միայն Թուրքիան:
Monday, November 16, 2009
Subscribe to:
Post Comments (Atom)
No comments:
Post a Comment