ՀՀ տնտեսական անկումը կազմել է 16%

7օր.am 21-12-2009- Ըստ ազգային վիճակագրական ծառայության օպերատիվ տվյալների՝ այս տարվա 11 ամիսների տվյալներով ՀՀ համախառն ներքին արդյունքի անկումը նախորդ տարվա նույն ժամանակահատվածի համեմատ կազմել է 16 տոկոս։ Նախորդ ամսվա նկատմամբ դինամիկան բացասական է` 6,6 տոկոս։ Բացառությամբ մանրածախ առևտրի, որտեղ աճը կազմել է 0,5 տոկոս՝ անկում է գրանցվել տնտեսության բոլոր ոլորտներում։ Արտաքին առևտրաշրջանառությունը պակասել է 28,5 տոկոսով՝ կազմելով 3570,8 միլիոն դոլար։ Ներմուծումը գերազանցում է արտահանմանն ավելի քան 4,6 անգամ։ Պաշտոնապես գրանցված գործազրկության աճի տեմպը կազմել է 11,6%: