«ԱԶԳ», 25-12-2009- Ժողովրդա-հանրապետական կուսակցության փոխնախագահ Օնուր Օյմենից հետո սկանդալային ելույթով հանդես է եկել նաեւ նույն կուսակցության պատգամավոր Էնսար Օղութը: Այդ մասին նշել է «Բուգյուն» կայքէջը, գրելով. «Արդահանի պատգամավոր Էնսար Օղութը արտգործնախարար Ահմեդ Դավութօղլուին հասցեագրված վիրավորական արտահայտություններ օգտագործելիս, վիրավորեց նաեւ հայերին: Ժողովրդա-հանրապետական կուսակցության Էրզրումի քաղաքային վարչությունում կազմակերպված մամուլի ասուլիսի ժամանակ Օղութն ասաց, որ ամերիկյան NBS հեռուստաընկերությունը որպես «Քուրդիստան» է ներկայացնում Թուրքիայի արեւելյան եւ հարավարեւելյան շրջանները, իսկ կառավարությունը լռությամբ շրջանցում է այս խայտառակությունը: Նա մեղադրեց նաեւ արտգործնախարար Դավութօղլուին եւ ասաց. «Ոչ նոտա է տալիս, ոչ էլ հայտարարություն է անում: Քո ազգանունը Դավութօղլո՞ւ է, թե՞ դու Դավության ես: Ասա, որ իմանանք: «Հայկական» նախաձեռնություն ես ցուցաբերում որ ի՞նչ, Դավության եսՙ դրա համա՞ր: Ի՞նչ է քո անուն-ազգանունը: Դու թո՞ւրք ես, Թուրքիայի արտգործնախարա՞րը: Ինչո՞ւ է լռում վարչապետը: Որքա՞ն պետք է ցուցադրվի «Քուրդիստանը» պատկերող այդ քարտեզը»:
Friday, December 25, 2009
Subscribe to:
Post Comments (Atom)
Tehran Time
Yerevan Time
No comments:
Post a Comment