Մահացել է աշխարհի ամենափոքր մարդը

Tert.am. 16-3-2010- Իտալիայում մահացել է Գինեսի ռեկորդների գրքի տվյալներով աշխարհի ամենափոքրամարմին մարդը՝ չինացի Հե Պինպինը։ Այս մասին հաղորդում է Agence France-Presse-ը։ 21-ամյա Պինպինի ինքնազգացողությունը վատացել է Հռոմում հեռուստանկարահանման ժամանակ: Նրան անմիջապես տեղափոխել են հիվանդանոց, սակայն բժիշկները չեն կարողացել փրկել Պինպինի կյանքը։ Աշխարհի ամենափոքրամարմին մարդու հասակը 74,61 սմ էր։ Գինեսի ռեկորդների գրքի գլխավոր խմբագիր Քրեյգ Գլենդեյի խոսքերով՝ չնայած իր փոքր չափերին` նա մեծ ու դրական ազդեցություն ուներ մարդկանց վրա։ Աշխարհի ամենափոքրամարմին մարդը երազում էր ամուսնության մասին։ Որոշ աղբյուրների համաձայն՝ նա հանդիպում էր նորմալ հասակի կնոջ հետ։