Panorama.am. 2-4-2010- Չինաստանը համաձայնվել է Իրանի հետ, որ միջազգային պատժամիջոցները վերջինիս միջուկային ծրագրի դեմ «կորցրել են իրենց արդյունավետությունը»: Ինչպես տեղեկացնում է Ֆրանս Պրես (France Press) գործակալությունը, այս մասին հայտարարել է Իսլամական հանրապետության միջուկային հարցերով բանակցող Սաիդա Ջալալին:
Ըստ աղբյուրի, երկու կողմերի միջև նման համաձայնություն ձեռք է բերվել Ջալալիի Պեկին կատարած պաշտոնական այցի ժամանակ:
«Բանակցությունների ժամանակ շատ հարցեր բարձրացվեցին, և Չինաստանը համաձայնվեց մեր տեսակետի հետ: Մենք երկուստեք ընդգծեցինք, որ պատժամիջոցները կորցրել են իրենց արդյունավետությունը », - իրանցի պաշտոնյայի խոսքերը վկայակոչում է գործակալությունը:
Ըստ Ջալալիի, արևմուտքը պետք է փոխի իր «սխալ մեթոդները» և վերջ տա «նոր պատժամիջոցներ կիրառելու սպառնալիքներին»:
Հիշեցնենք, ԱՄՆ նախագահ Բարաք Օբաման իր չինացի գործընկեր Հու Ձինթաոյի հետ հեռախոսազրույցի ժամանակ ընդգծել էր համատեղ ջանքերով Իրանից միջազգային պարտականություններին հետեւելու անհրաժեշտությունը: Ավելի վաղ, ամերիկյան ներկայացուցիչները հայտարարել էին, որ Չինաստանը համաձայնել է Իրանի դեմ պատժամիջոցների կիրառման շուրջ «լուրջ քննարկումներ» անցկացնել, չնայած որ նախկինում Պեկինը չէր բացառել նոր պատժամիջոցների սահմանման հավանականությունը:
Saturday, April 3, 2010
Subscribe to:
Post Comments (Atom)
Tehran Time
Yerevan Time
No comments:
Post a Comment