Թուրքիայում կովի պատճառով չորս մարդ է սպանվել

Tert.am. 19-5-2010- Թուրքիայի Քալեջիք շրջանի Գյոլքյոյ գյուղի նախկին գյուղապետը վիճաբանության ընթացքում սպանել է իր համագյուղացիներից 4-ին: Թուրքական Milliyet օրաթերթի փոխանցմամբ, վիճաբանությունը ծագել է այն ժամանակ, երբ նախկին գյուղապետ Յուսուֆ Օ.-ի հարևանների կովերը մտել են նրա այգին: Բարկացած Յուսուֆն ատրճանակով տեղում գնդակահարել է 7 մարդու, որոնցից 4-ը տեղում մահացել են, իսկ 3-ը ստացել են մարմնական վնասվածքներ: Վիրավորներից մեկի վիճակը բժիշկները գնահատում են ծանր: Յուսուֆ Օ.-ն ձերբակալված է: Իրականացվում է հետաքննություն: