Գերմանիայի ադրբեջանցիները վրդովվել են «Լեռնային Ղարաբաղ» ֆիլմի ցուցադրությունից

Tert.am. 16-6-2010- Գերմանիայի ադրբեջանցիների համակարգման կենտրոնը բողոքի նամակ է ուղարկել Բեռլինի Moviemento կինոյի տուն՝ կապված «Լեռնային Ղարաբաղ» հայկական ֆիլմի ցուցադրության հետ։ Այս մասին հայտնում է Trend-ը։ Հունիսի 3-9-ը ցուցադրված հայտնի ռեժիսոր Դոն Ասկարյանի ֆիլմում նկարահանված են ղարաբաղցի հայերը։ «Ֆիլմում նրանք զրպարտում են Ադրբեջանին, փորձում խեղաթյուրել փաստերը»,- նշվում է ադրբեջանցիների նամակում։ Նամակում ադրբեջանցիները նաև պահանջում են «լսել Ղարաբաղի մասին ճշմարտությունն իրենց շուրթերից», անցկացնել Ադրբեջանի դիրքորոշումն արտահայտող ֆիլմի ցուցադրություն։ Նրանք նաև հանդիպում են պահանջում Կինոյի տան ղեկավարության հետ։