Արևմուտքը սեղմում է Իրանի շուրջ օղակը. Իրանական օդանավերին արգելում են ԵՄ տարածքով թռչել

Tert.am. 7-7-2010- Ավիացիոն անվտանգության եվրոպական կոմիտեն արգելել է Iran Air ընկերության ինքնաթիռների 2/3–ի թռիչքը Եվրամիության երկրների օդային տարածքով։ Դեռ ընթացիկ տարվա մարտին Iran Air ընկերության ինքնաթիռների մի մասը ԵՄ ավիացիոն ղեկավարությունն ընդգրկել էր անվստահելի ավիափոխադրամիջոցների «սև ցուցակում»։ Մինչդեռ այժմ արգելքը տարածվում է ընկերությանը պատկանող բոլոր Airbus-320, Boeing-727 և Boeing-727 տեսակի ինքնաթիռների վրա։ Այս մասին հայտնում է «Ռիա Նովոստին»։ Եվրահանձնաժողովում բացառել են այդ որոշման քաղաքական շարժառիթները՝ կապված Իրանի նկատմամբ ԱՄՆ–ի սահմանած պատժամիջոցների հետ։ Հիշեցնենք, որ ավելի վաղ իրանցի պաշտոնյաները բողոքել էին, որ Մեծ Բրիտանիայի, Գերմանիայի և ԱՄԷ–ի օդանավակայաններում հրաժարվում են լիցքավորել իրանական ինքնաթիռները, ինչը, սակայն, ավելի ուշ հերքեց Իրանի ԱԳՆ–ն։