Ալիևը Պետդեպի ներկայացուցչի հետ քննարկել է ԼՂ խնդիրը

Tert.am. 23-9-2010- Ադրբեջանի նախագահ Իլհամ Ալիևը սեպտեմբերի 22–ին հանդիպել է ԱՄՆ պետքարտուղարի Եվրասիայի էներգետիկ հարցերով ներկայացուցիչ Ռիչարդ Մորնինգսթարին։ Այդ մասին տեղեկություն է տարածել Ադրբեջանի պետական АзерТАдж գործակալությունը։
Հանդիպման ժամանակ քննարկվել են Ադրբեջանի և ԱՄՆ–ի միջև համագործակցությունը էներգետիկ ոլորտում և ԼՂ հակամարտության կարգավորման գործընթացում։
Հանդիպմանը մասնակցել է նաև Եվրոպայի ու Եվրասիայի հարցերով ԱՄՆ պետքարտուղարի տեղակալ Ֆիլիպ Գորդոնը։