Panorama.am. 26-1-2011- «Դա ադրբեջանական լրատվամիջոցների հերթական ապատեղեկատվությունն է, որը իրականությանը չի համապատասխանում: Ղարաբաղյան կողմը, ոչ միայն Աղդամի ուղղությամբ, այլև ղարաբաղա-ադրբեջանական զորքերի շփման գոտու ողջ երկարությամբ պահպանել և պահպանում է հրադադարի ռեժիմը»,- անդրադառնալով ադրբեջանական լրատվամիջոցների տարածած այն տեղեկատվությանը, թե հայկական կողմը խախտել է հրադադարի ռեժիմը, ինչի հետևանքով ադրբեջանցի զինծառայող է սպանվել՝ Panorama.am-ի հետ զրույցում նշեց ԼՂՀ ՊԲ մամուլի խոսնակ Սենոր Հասրաթյանը:Նշենք, որ տարեսկզբից մինչ այժմ, ադրբեջանական բանակում տարբեր պատճառներով արդեն իսկ 6 զինծառայողի կորուստ են գրանցել, իսկ մեծ թվով զինծառայողներ վիրավորվել են: Եվ սա միայն պաշտոնական տվյալներն են:
Ս. Հասրաթյանը նաև հավելեց, որ Ադրբեջանի պաշտպանության նախարարությունը իրենց բանակում տեղի ունեցող արատավոր երևույթները՝ ինքնախեղումները, միջանձնային հարաբերությունների հետևանքով արձանագրվող սպանություններն ու ինքնասպանությունները, շարունակական փորձեր է անում բարդել հայկական կողմի վրա:
Tehran Time
Yerevan Time
No comments:
Post a Comment