Թուրքիայի էներգետիկայի ե բնական պաշարների նախարարը կայցելի Ադրբեջան

News.am. 20-1-2011- Թուրքիայի էներգետիկայի ե բնական պաշարների նախարար Թաներ Յիլդըզը հունվարի 22-ին կայցելի Ադրբեջան` մասնակցելու Թուրքիայի եւ Ադրբեջանի միջեւ առեւտրատնտեսական համագործակցության միջեւ միջկառավարական 6-րդ նիստին:

Թուրք նախարարին կուղեկցեն Թուրքիայի ազգային նավթային ընկերության` Turk Petrollari-ի ղեկավարը եւ Botas ընկերության գլխավոր տնօրենը:
Թուրքիայի գանձապետարանի վիճակագրական տվյալներով, 2010 թվականի սեպտեմբեր ամսվա վերջում թուրքական ներդրումներն Ադրբեջանում կազմել են 3,825 մլրդ դոլար, որից 3,573 մլրդ-ը՝ Ադրբեջանի էներգետիկ ոլորտում:
2010 թվականի 9 ամիսների ընթացքում, թուրքական ներդրումներն Ադրբեջանի տնտեսության մեջ կազմել են 3,971 մլն դոլար, ստեղծվել են երեք թուրքական ընկերություններ: 2009 թվականին ստեղծվել է 5 ընկերություն եւ ներդրվել 304,666 մլն դոլար: