HayNews.am. 7-7-2011-Հայկական եկեղեցուն կարգավիճակ տալու Վրաստանի իշխանությունների որոշման մասին են այսօր լրագրողների հետ հանդիպման ժամանակ խոսելէ «Ջավախք» ժողովրդական շարժման նախագահ Նորիկ Կարապետյանն ու Ջավախքի «Վիրք» կուսակցության նախագահ Դավիթ Ռստակյանը:Նորիկ Կարապետյանի խոսքերով՝ իրականում ջավախահայերի խնդիրները, սկսած 90-ականներից, լուծվել են 0%-ով. «Բոլոր խնդիրները մնացել են թղթի վրա: Ջավախահայերի համար առաջնայինը հայապահպանության՝ լեզվի խնդիրն է, որը չի լուծվում»:Դավիթ Ռստակյան էլ նշել է. «Հայոց հովվապետի այցից հետո հայ եկեղեցուն իրավաբանական կարգավիճակ տրվեց, սա է թերևս միակ դրականը: Սակայն Ջավախքն ունի սոցիալական, մշակութային և շատ այլ խնդիրներ»:
«Վիրք» կուսակցության ղեկավարի խոսքերով՝ Ջավախքում դեռևս առկա է վախի մթնոլորտը, ինչի հետևանքով հայերը չեն բարձրաձայնում իրենց շատ խնդիրների մասին. «Ջավախքում չկան աշխատատեղեր, երիտասարդները հեռանում են: Վրաստանի օրենսդրությունը թույլ չի տալիս հայերենի իմացությամբ ապրել ու արարել Ջավախքում»:
Ըստ Ռստակյանի՝ մեկ այլ մտահոգիչ հանգամանք է Ջավախքում վրացական դպրոցների հիմնումը. «Դա նշանակում է , որ ծրագիր կա հայ երեխաներին ուղարկել վրացական դպրոցներ»:
Tehran Time
Yerevan Time
No comments:
Post a Comment